Voorwoord

Kersfees en vakansietyd is ‘n tyd vir samesyn en stories. ‘n Tyd om wolke en sterre te kyk, na die branders en die geknetter van ‘n kampvuur te luister. ‘n Tyd om ons weer opnuut op die hartklop in te stel van die mense wat hierdie andersoortige jaar saam met ons gestap het.

2020 was voorwaar ‘n mallemeule van emosies. Party dae was ek eufories van blydskap oor klein dingetjies. Ander dae het dit gevoel ek wil heeldag onder die bed lê en net ‘n draairoomys kan my daar uitkry, mits dit deur die kamervenster aangegee word!

Hoe kry ouers en grootouers, wat nog nooit skool gehou het nie, dit boonop reg om tuisonderrig te doen? het ek dikwels gewonder. En dít terwyl baie vir die heel eerste keer van die huis af werk óf hul werk verloor het.  

Dis daarom dat my nuutste bundel Storiekaros (uitgegee deur Lapa) my baie na aan die hart lê. Dis spesiaal opgedra aan al die ma’s en pa’s, oupas en oumas wat tydens grendeltyd “skooljuffrou” moes wees.

Mag die stories in hierdie bundel al die gô’s wat uit is lawe en al die nerf-af plekke gesond soen. Mag die samesyn lang vergete vlerke regskud en ons met ‘n sagte hand aanhelp terwyl ons dapper ‘n nuwe aanloop na 2021 probeer uittrap.

Dankie aan elkeen wat een van my boeke koop. Elkeen wat my webtuiste of fb-bladsye besoek. Elkeen wat saans saam met my opkyk na die maan en onwrikbaar wéét ons mensekinders is gemaak om een groot familie te wees.  

Liefde
Wendy ❤️

BESTEL STORIEKAROS HIER >>


KLIK HIER VIR WENDY SE BIOGRAFIE

Kinderboeke

Kategorieë sluit in afrikaans, engels, isiZulu, isiXhosa en geestelik.

LEES MEER

Nuusblad

Van skoolbesoeke tot boekbekendstellings! Lees hier oor Wendy se nuutste doen en late.

LEES MEER

Camino-dagboek

Wendy het haar Camino-dagboeke aan die begin van grendeltyd uitgehaal. Sy nooi jou om saam te stap op hierdie andersoortige ontdekkingstog.

LEES MEER

Ek lees self-reeks

Die Ek lees self-reeks is die perfekte wegspringplek vir beginnerlesers.

LEES MEER