Gratis Stories

Liewe ouers, onderwysers en versorgers

Wie van ons ken nie daardie kosbare oomblik as ‘n kind vir die eerste keer ‘n sonstraal op sy hand gewaar nie? Of die uitbundige vreugde wat ‘n goggatjie, ‘n blaartjie of ‘n veertjie so ‘n klein mensie kan gee nie? Juis daarom fokus ons in hierdie dagstukkies op die natuur.

LAAI DIE STORIES GRATIS HIER AF DEUR OP DIE IKOON HIERONDER TE KLIK:

Wendy Maartens
LAAI AF

 

Dagstukkies vir Klein Hartjies – Week 10

 

Elke dagstukkie bestaan uit:

  • ‘n Bybelvers wat die kind op sy vlak aan die Bybel bekendstel
  • Iets om oor te dink: ‘n kort samevatting van die dagstukkie
  • Gebedjie
  • Iets om te doen: ‘n prettige takie wat die kind kans gee om die dagstukkie met sy sintuie te beleef

Jy het regtig net 20 minute per dag nodig om ‘n kosbare slaaptydritueel met jou kind te vestig. ‘n Kind wat slaaptyd met koestering vereenselwig het ‘n voorsprong ten opsigte van emosionele, sosiale en verstandelike ontwikkeling. Maar die belangrikste bonus is die kind se ontdekkingsreis om ‘n magtige, liefdevolle, kreatiewe God te ontdek wat nooit ophou om ons te verras nie. En die seker wete dat ‘n klein mensie die groot, onverstaanbare wêreld daarbuite een treetjie op ‘n slag kan baasraak omdat hy in jou en God se omgee-spore loop.

Hou die volgende in gedagte:

  • Die klein intieme kring tussen jou en jou kind tydens stiltetyd skep ‘n gevoel van samesyn wat hom die vrymoedigheid gee om vrae te vra en oor dinge te gesels waarmee hy andersins nooit vorendag sou kom nie. Wees dus gereed vir ‘n avontuur!
  • Moenie haastig wees nie. Ontspan en probeer om die dag se probleme vir eers opsy te skuif. Jou kind is ‘n fyn waarnemer en sal gou agterkom jy “is op ‘n ander plek”.
  • Jou en jou kind se stiltetyd is persoonlik. Dit is die eerste boustene van ‘n lewenslange vertrouensverhouding. Respekteer sy privaatheid, al is hy hoe klein. Moenie iets wat hy jou vra of tydens gebed sê aan enige ander gesinslid of maat uitblaker nie, al is dit hoe oulik.
  • Die gebedjie is slegs ‘n riglyn. Jy kan dit lees en hom kans gee om met “amen” af te sluit. Laat hom toe om jou woorde te herhaal of ‘n sin by te voeg. Die keuse is syne. As hy verkies om net te luister is dit ook piekfyn.
  • Help jou kind om te begryp dat God enige tyd van die dag of nag beskikbaar is, nie net tydens stiltetyd nie. En Hy luister graag as ons praat! Moedig jou kind aan om alles wat pla of waaroor hy wonder vir God te vertel.
  • “Iets om te doen” gee jou kind die geleentheid om pens en pootjies binne-in die dagstukkie te klim en met sy sintuie te ervaar. Moedig hom aan om sy verbeelding te gebruik. ‘n Kind wat kreatief kan dink, stuit nie sommer vir enige probleem in die groter wêreld daarbuite nie.
  • Die teks praat van ‘n gesinsopset met mamma, pappa, boetie en sussies. Pas asseblief die karakters na gelang van jou eie gesinsopset of situasie as versorger aan.
  • Verseker jou kind gereeld van jou liefde, maar ook van God se liefde vir kinders. Lees vir jou kind Jesus se woorde in Matteus 19:14: “Laat die kindertjies na My toe kom. God se nuwe wêreld is juis vir almal soos hulle bedoel.”

Lekker lees en lekker liefie! ❤ En onthou: daar kruip ‘n muis weg in elke dagstukkie. Kyk of jy hom kan kry.

 

 

Ontdek verder saam met jou kind en help hom terselfdertyd om storie vir storie sy onsekerhede oor ‘n groot en onbekende wêreld te oorkom.
Klik op die skakel om te bestel.

 

 

Engele van die Bybel
Wendy Maartens
Bestel in Afrikaans

Stories maak ons sterk – ook teen die Corona-virus!

Wendy Maartens stel graag hierdie stories oor waardes gratis beskikbaar. ‘n Groot dankie aan Lapa Uitgewers wat dadelik ingestem het.

LAAI DIE STORIES GRATIS HIER AF DEUR OP DIE IKOON HIERONDER TE KLIK:

Wolf verloor sy stert – Moenie skinder nie
Bladsye 132 – 137
Spotvoel verbeel hom hy is n pou – Selfrespek
Bladsye 138 – 145
Die drie wense – Moenie kwaad word nie
Bladsye 146 – 152
Wendy Maartens 
Wendy Maartens
Wendy Maartens 

Elke keer as jy dankbaar is, sing jou hart ‘n liedjie wat net jy kan hoor. Daardie liedjie herinner jou om ‘n stukkie daarvan vir iemand anders aan te gee deur ‘n glimlag, goeie maniere of mededeelsaamheid. Dink net watter wonderlike plek sal die wêreld wees as almal onthou om ‘n stukkie van hul liedjie vir iemand anders aan te gee.

Kom ek en jy gee vandag nog ‘n dankieliedjie vir iemand aan. ❤

Klik hier om Vertel vir my ‘n storie se e-boek met verhale oor al 20 WAARDES nou aan te skaf.